Prísir

Galdandi frá 1. januar 2024.

GJALDSKRÁIN VIÐ OG UTTAN MVG ER HENDAN FYRI HVØRJA ELINNLEGGING

Fast gjald, sum eigarin hevur ábyrgd av, verður goldið fyri innleggingar, ið ikki verða nýttar, men enn ikki eru uppsagdar.

Tá ið streymveitingin er slitin vegna brek á innleggingini, og málarin ikki verður niðurtikin, verður fasta gjaldið bert kravt fyri tíðina, innleggingin er íbundin hjá Sev.

HITAPUMPUR OG ELBILAR

Serligir elprísir fyri streym til hitapumpu og heimaløðistøð til elbilar. Bert galdandi fyri góðkendar heimaløðistøðir og góðkendar hitapumpur, sum verða knýttar frá undirmátara, ið verður bundin í verandi málara.

Kostnaður fyri løðing á almennu løðistøðunum hjá Sev

ÍDNAÐUR, LANDBÚNAÐUR, FISKIVINNA V.M.

Serstøk gjaldsskrá er galdandi fyri ídnaðarvir­kir, fiskaaling, landbúnað, fiskivinnu og ávísar edv-tænastur. Gjaldskráin við og uttan MVG fyri nevndu vinnur er hendan fyri hvørja elinnlegging.

Neyvari upplýsingar um, hvørjar vinnugreinar koma undir hesa gjaldskrá, fáast við at venda sær til SEV.

HÁSPENNINGSMÁTING

Fyri tær innleggingar, har Sev eftir umstøðunum avger at máta streymin á háspenningsstøði, t.d. 10 ella 20 kV, verða omanfyri nevndu kWt-prísir lækkaðir við 1,5%. Við háspenningsmáting verður fasta gjaldið ásett á sama hátt, sum fyri innleggingar sambært omanfyri tilskilaðu ásetingum, men verður eitt fast gjald ásett fyri hvørt mátistað og ikki hvørja elinnlegging, sum er íbundin aftan á mátistaðið.

YMISK ÓMAKSGJØLD V.M.

Verða gjøld ikki goldin rættstundis sambært uppgerð, verða fyri hvørjar byrjaðar 100 kr. av rokningsupphæddini lagdar kr. 1,00 aftrat rokningini hvønn byrjaðan mánað, til falna skuldin er goldin. Harafturat skulu gjaldast kr. 15,00 fyri hvørja áminning.

Sev er heimilað at slíta streymveiting til kunda, sum er í eftirstøðu við gjaldi fyri streym ella aðra veiting/tænastu.

Tá ið neyðugt er at taka stig til at slíta streymveitingina vegna eftirstøðu, skulu gjaldast 200,00 í ómaksgjaldi.

Fyri íbinding aftan á slíting vegna eftirstøðu skulu gjaldast kr. 200,00 í ómaksgjaldi. Um íbundið verður uttanfyri vanliga arbeiðstíð eftir áheitan frá eigara/brúkara, verður ómaksgjaldið kr. 300,00.

Málarin kann verða kannaður, tá ið biðið verður um tað.

Um málarin er í lagi, verða kr. 500,00 kravdar í ómaksgjaldi.

TRYGD

Sev er heimilað at krevja frammanundangjald ella bankatrygd fyri veiting av streymi og øðrum veitingum/tænastum, svarandi til mettan kostnað fyri upp til 3 mánaðar veiting.

FLYTING

Tá ið flutt verður, skal málarin lesast av, og Sev skal hava fráboðan um avlesturin.

Tann, sum flytur, hevur skyldu at gjalda, til málarin er avlisin.

FYRIBILS STREYMVEITING

Tá ið fyribils streymveiting verður veitt til byggipláss, stuttleikaøki o.a., eru hesir prísir galdandi:

Fast gjald:          Eftir vanligu gjaldskránni.

Elorkugjald:        20% afturat prísinum eftir vanligu gjaldskránni.

Trygd:                Kann verða kravd.

Allar útreiðslur í sambandi við fyribils streymveiting, so sum styrking av neti ella víðkan, verða goldnar frammanundan eftir rokning.

VANLIG ÍBINDING

Innleggingin verður íbundin, tá ið liðugtfrásøgn er komin frá góðkendum elinnleggjara, og møgulig brek eru rættað.

Kundin skal gera teymin millum veitingarstaðið og elinnleggingina. Um teymurin verður longri enn 50 m, letur Sev ískoyti til kaðal og veit. Ískoytið verður givið fyri tað talið av metrum, sum teymurin er longri enn 50 m, tó í mesta lagi fyri 200 m. Gjaldið verður ásett av Sev og verður goldið kundanum, tá ið hann vendir sær til Sev við avriti av rokningini frá elinnleggjara. Innleggingar við ongum málara fáa ikki ískoyti.

Nærri upplýsingar um stødd á ískoyti fáast við at venda sær til Sev.

Tá ið kundin skiftir luftteym út til kaðalteym við sama tvørmáti, letur Sev ískoyti til kaðalkostnaðin.

ÍBINDINGARGJALDIÐ

• Áðrenn bundið verður í elnetið hjá Sev, skal íbindingargjald gjaldast sambært gjaldskránni.
• Verður innlegging broytt soleiðis, at teymasikring má gerast størri, skal íbindingargjald latast, sum svarar til munin millum sikringarnar. Sev setir nýggju sikringina í, tá ið goldið er.
• Um minni teymasikring verður sett í til eina verandi elinnlegging, verður einki íbindingargjald goldið aftur.
• Íbindingargjaldið er knýtt at teyminum til eitt ávíst matr.nr., og teymurin kann flytast innan fyri hetta matr.nr., um so er, at hetta ikki verður til útreiðslur fyri Sev. Har eitt matr. nr. fevnir um fleiri ikki samanhangandi jarðarlutir, verða hesir lutir hvør sær roknaðir sum sjálvstøðug matr. nr. Í serligum førum, tá ið talan er um náttúrliga samanhoyrandi ognir, kann við góðkenning nevndarinnar í hvørjum føri sær gerast frávik frá ásetingini um tilknýti til eitt ávíst matr.nr.

Um kundin vil hava íbinding aðrastaðni í elveitingina hjá Sev, skal nýtt íbindingargjald gjaldast sambært galdandi gjaldskrá.

GJALDSKRÁ FYRI ÍBINDINGARGJALD

Um víðkan av einstøkum avsíðis liggjandi innleggingum viðførir, at Sev má útbyggja netið, má umsøkjarin bera kostnaðin av hesum.

Omanfyri nevndu íbindingargjøld eru galdandi fyri 400 V spenning jbr. eisini § 8 í streymveitingartreytunum. Fyri veitingar við hægri spenningi verður A-talið umroknað lutfalsliga samsvarandi tí A-talið, viðkomandi veiting skuldi havt við 400 V spenningi.

TILTØKUGJALD (EFFEKTGJALD)                                                                     

Elinnleggingar, sum fáa elmegi frá egnari framleiðslu (ella frá øðrum enn Sev), kunnu fáa loyvi at brúka elveitingina hjá Sev sum trygd móti at gjalda eitt árligt gjald uppá 1.100,- kr. fyri hvørt KW í installeraðum framleiðslumátti (ávikavist nýtslumátti) hjá viðkomandi elinn-legging, tó í mesta lagi svarandi til teymasikringina mótvegis elnetinum hjá Sev.

MVG

Afturat frammanfyri nevndu gjaldskráum, ómaksgjøldum, íbindingargjøldum v.m. verður kravt MVG.

Soleiðis samtykt av nevndini hjá Sev at galda frá 1. januar 2024.

GG! Fyrivarni verður tikið fyri broytingum og villum. 

ELFELAGIÐ Sev

GG! Broyting í áminningar- og ómagsgjøldum í sambandi við eftirstøðu

Higartil hevur áminningargjald verið sett eftir, hvussu stór eftirstøðan var, men tað verður nú broytt til eitt fast gjald.

Dagførdu gjøldini eru:

1. Áminningarskriv                                                                        100 kr.
2. Áminningarskriv                                                                        100 kr.

Ómaksgjald fyri slíting og fráboðan um slíting                                   250 kr.

Ómaksgjald fyri at seta til aftur eftir sliting                                      1.069 kr.

Dagførdu gjøldini fáa gildi 1. februar 2025.

Sí eldri gjaldskráir her