500 tons tung undirstøði

3. partur í røðini um "Takið at temja vindin"

Betongbilar hava seinastu tíðina koyrt í pendulferð millum betongblandistøðina hjá Articon á Hjalla og Húsahaga, har arbeiðið er byrjað at stoypa 13 tung undirstøði, sum viga 500 tons hvørt, til vindmyllurnar. Tað er týska fyritøkan WKA, sum armerar og stoypir stóru fundamentini, ið sum eitt annað pendul tryggja at vindmyllurnar standa tryggar.

Triði partur um vindmyllulundina lýsir, hvussu tilsamans 6.500 tons av gróti, jarni og betongi verða fingin til høldar fyri at halda vindmyllunum í øllum veðri.