Vóna at fáa eina nýggja orkusemju

Donsku orkufeløgini bjóða nýggju stjórnini vælkomnari og vóna, at hon skjótast gjørligt fer í arbeiðsklæðini á orkuøkinum, so karmarnir til eitt fossilfrítt Danmark kunnu verða gjørdir.

Tað skrivar danskenergi.dk.

Orkufeløgini eru til reiðar at gera íløgur fyri 70 mia. kr. í nýggj arbeiðspláss og eina grønari orkuskipan. Nú er valstríðið av og vinnan heitir á stjórnina og nýggja fólkatingið um at fáa karmarnar upp á pláss í einari nýggjari orkusemju.

Nýhugsan og nýggj arbeiðspláss

- Vit ynskja nýggju stjórnini til lukku við valinum. Vit eru greið yvir, at ein stór uppgáva liggur fyri framman at skapa neyðuga vøksturin í Danmark. Tíbetur standa vit á orkuøkinum til reiðar at gera íløgur fyri miljardir í eina grønari orkuskipan, sum leggur lunnar undir nýhugsan og nýggj arbeiðspláss, sigur Lars Aagaard, stjóri í Dansk Energi.

- Útgangsstøðið er søguligt, tí báðu politisku veingirnir eru samdir um endamálið: Danmark skal vera fossilfrítt í 2050. Tí halda vit, at nýggja stjórnin hevur allar møguleikar fyri at fáa eina nýggja orkusemju skjótt í lag, sigur Lars Aagaard.

Dansk Energi er til reiðar við 11 tilmælum til eina nýggja orkuætlan, ið styrkir íløguhugin í vindmyllur, umbyggingar av orkuverkum frá koli til biomassa og orkueffektiviseringar.