Umhvørvisleiðsluskipanin á Sundsverkinum endurnýggjað

ISO 14001 er eitt leiðsluamboð, ið skal hjálpa fyritøkum at stýra tilgongdum fram ímóti eini meiri burðardyggari framleiðslu.

Leiðsluamboðið hjálpir fyritøkuni at fáa yvirlit yvir umhvørvisárinini, eitt nú burturkasti, spillvatni, oljunýtslu, rávørunýtslu, vatni, elnýtslu o. s. fr. Harafturat hjálpir amboðið fyritøkuni at eyðmerkja og seta í verk møguligar ábøtur, har dentur verður lagdur á, at virka verður fyri  útreiðsluvirknum loysnum.

ISO 14001 góðkenningin er galdandi í 3 ár, og í siðstu viku endurnýggjaði Sundsverkið góðkenningina.