Túsundtals norðmenn uttan streym í morgun

Túsundtals húsarhald í Norður-Norra lógu uttan streym í morgun.

Orsøkin var linjuslit í Narvik-økinum, upplýsir NRK.

Streymslitið rakti millum annað býirnar Trømsø og Alta.

Streymurin fór um 6-tíðina í morgun. Sum skilst eru tvær av teimum týdningarmestu orkulinjunum í Norður-Norra slitnaðar.

Illveður orsøkin

- Tað er illveður á leiðini, og helst hevur tað verið atvoldin til slitini, sigur ein talsmaður fyri Statnett við NRK.

Streymurin er komin aftur flestastaðni.

Tríggjar linjur flyta streym til Tromsø-økið. Nú tvær av teimum liggja lamnar, er nógv trýst á tí triðju, sigur Statnett.

Skúlar og barnagarðar eru stongdir í dag.

Universitetið í Tromsø hevur egið aggregat, og tað varð tikið í brúk, tá streymurin fór.