Transformari til triðju turbinuna á Eiði bílagdur

SEV hevur bílagt ein transformara, ið skal nýtast sum maskintransformari til triðju turbinuna, ið skal setast upp á Eiðisverkinum. 

Transformarin er av merkinum SGB. SGB hevur fleiri verksmiðjur kring heimin, og hesin transformarin er framleiddur í Regensburg í Týsklandi. 

Henda verksmiðjan framleiðir umleið 300 transformarar í øllum støddum um árið. 

10 MVA

Transformarin til Eiðisverkið er ein 60/6kV transformari og er 10 MVA til støddar.

Í síðstu viku var FAT – (Factory Acceptance Test) - av transformaranum, sum væntandi verður í Føroyum um hálvan september.

Sjálv turbinan er bíløgd frá Voith í Norra og verður væntandi í Føroyum í oktober og generatorurin í november. Turbinan er 7,7 MW, meðan hinar báðar turbinurnar á verkinum eru 6,3 MW hvør.

Miðað verður eftir at taka nýggju turbinuna í brúk fyrst í næsta ár.