SEV nýggjan eykaaðalfund í morgin

Í morgin verður nýggjur eykaaðalfundur í SEV um rakstrar-, fíggjar- og íløguætlanina fyri 2011.

Á eykaaðalfundi 29. november samtykti ein meiriluti av kommunuumboðunum, eftir uppskoti frá Tórshavnar kommunu, at beina uppskotið til fíggjarætlan aftur í nevndina og at halda nýggjan eykaaðalfund innan árslok.

Hesin fundur verður á Hotel Hafnia í morgin klokkan 10 fp. Fundurin er almennur.

Frá eykaaðalfundinum fyri trimum vikum síðani: Bødvar  Hjartvarsson, Húsavíkar kommuna, Gunnvá við Keldu, borgarstjóri í Klaksvíkar kommunu, og Martin í Nesi, Hvalbiar kommuna.

Jákup Martin Kjeld, Nes kommuna,  Magnus Rasmussen, borgarstjóri í Runavíkar kommunu, og Poli Hansen, Sjóvar kommuna.