Saudi Arabia ætlar at byggja 16 kjarnorkuverk

Saudi Arabia hevur ætlanir um at byggja 16 kjarnorkuverk næstu tíggju árini, skrivar dagblaðið Arab News.

Tveir teir fyrstu reaktorarnir verða klárir at taka í brúk í 2021, sigur Abdul Ghani bin Melaibari í King Abdullah City for Atomic and Renewable Energy við Arab News.

Innan 2030 verða 16 reaktorar í rakstri, leggur bin Melaibari aftrat.

38 mia. x 16

Hann væntar, at hvør reaktorur fer at kosta umleið 38 miljardir krónur. Málið er, at kjarnorka skal standa fyri 20 prosentum av orkuframleiðsluni í Saudi Arabia.

Mett verður, at orkueftirspurningurin í Saudi Arabia fer at vaksa 7–8 prosent næstu tíggju árini.