Nýggjur elkaðal til Sandoynna

Byrjað verður leygardagin at taka gamla Sandoyarkaðalin upp, sum fekk skaða fyri 1 ½ ári síðani. Um nakað av kaðalinum kann endurnýtast, verður hetta lagt út í tveimum støðum. Ein teinur uppá umleið 1,1 km verður lagdur um Trongisvágsfjørð, og ein teinur upp á umleið 1 km verður lagdur frá Eiðisverkinum yvir til Haldarsvíkar.

Síðani verður nýggjur Sandoyarkaðal lagdur út aftur á sama stað, har hin gamli lá. Hesin er  9,6 km til longdar. Nýggi kaðalin er framleiddur á kaðalverksmiðjuni Prysmian í Italia.

Eisini er ætlanin, at Pleijel skal taka 20 kV luftlinjuna um Leirvíksfjørð upp, sum verður klipt niður í dag.

Eftir ætlanini skal arbeiðið verða liðugt 10. august 2008, tá fer Pleijel aftur til Svøríki.