Nýggj nevnd í SEV

Á aðalfundi hjá SEV í dag, har allar kommunur í Føroyum luttóku, varð nýggj nevnd vald. Í nevndina vórðu valdir fyri Suðuroynna Jens Johannesen, Tvøroyri, fyri Sandoynna Bødvar Hjartvarsson, Dalur, fyri Tórshavnar kommunu Bogi Andreasen, Tórshavn, fyri Norðurstreymoy Karl A. Olsen, Vestmanna, fyri Vágoynna Jákup Suni Lauritsen, Sørvágur, fyri Eysturoynna Karl Rasmussen, Skála og fyri Norðoyggjar varð valdur Steinbjørn O. Jacobsen, Klaksvík.


Nevndin hevur skipað seg við Jákup Suna Lauritsen sum formanni og Boga Andreasen sum næstformanni.