Norskir elkundar fáa miljóna-stuðul frá stjórnini

Norska stjórnin hevur júst játtað 40 mió. kr. eyka til borgarar, ið skifta frá vanligum elhita til hitapumpur.

Endamálið er at stuðla elkundum, ið gera íløgur í tøkni, ið ger teir minni viðbreknar mótvegis sveiggjandi elprísum, skrivar danskenergi.dk.

Stjórnin hevur sostatt sett av eina stuðulsupphædd uppá tilsamans 110 mió. kr. í 2011 til elkundar, sum velja at skifta óeffektivar orkuloysnir út við effektivar loysnir.