Illveðrið í nátt elvdi til streymslit

Háspenningslinja - 60kV.

Illveðrið í nátt bar við sær, at Streymoy, Vágoy, Sandoy og ein partur av Eysturoynni lógu í streymloysi í ein hálvan tíma.

Streymurin fór á hesum økjum kl. 01.45, tí ringa veðrið elvdi til brek á háspenningini - 60 kV linjuni - millum Vestmanna og Skálabotn.

Í slíkari støðu stendst sjálvt streymloysið av, at ov lítil máttur er á elkervinum at nøkta streymtørvin kring landið. Vanliga gongur ein hálvur tími at seta motorar og turbinur í gongd aftur og at kopla linjur um, áðrenn nóg mikið av mátti aftur fæst á kervið.