Hákun Djurhuus verður stjóri í SEV

SEV-stýrið avgjørdi í morgun at seta Hákun Djurhuus í stjórastarvið í Elfelagnum frá 1. januar 2008.

Hákun Djurhuus er 46 ár. Hann var útbúgving sivil- og byggiverkfrøðingur á Danmarks Tekniske Universitet í 1986 og hevur síðani ognað sær drúgvar starvs- og leiðsluroyndir. Hann var stjóri í P/F Føroya Shell í 10 ár - frá 1997 til í summar. Undan tí starvaðist hann hjá A/S Dansk Shell í eitt ár, tá hann eisini tók ein part av HD-lestri.

Árini 1992 til 1996 var Hákun Djurhuus leiðsluráðgevi og stjóri í P/F Northern Fish Cold Storage Ltd. í Klaksvík. Frá 1986 til 1992 arbeiddi hann sum ráðgevandi verkfrøðingur hjá Landsbyggifelagnum og E.D. Verkfrøði.