Blackout í meginøkinum

(Dagført) Meginparturin av landinum lá í streymloysi í útivið hálvanannan tíma um midnáttarleitið í nátt.

Streymurin fór umleið kl. 23.45 og kom í rættlag aftur kl. 01.08.

Tekniski stjórin á SEV, Finn Jakobsen, sigur, at streymurin fór mestsum í øllum meginøkinum. Vestmanna og onkrar bygdir í Sundalagnum høvdu tó streym meginpartin av tíðini.

Staðfest er, at motorbrek á Sundsverkinum elvdi til streymslitið.

Suðuroy og útoyggjarnar vóru ikki raktar av streymslitinum.