Altjóða vinddagur uttan vind

Altjóða vinddagur er í dag 15. juni - men eingin vindur.

Síðan seinasta altjóða vinddagin eru tvær vindmyllulundir komnar afturat í miðøkinum og vindmyllulundin í Porkeri hevur fingið eyka útgerð fyri betur at kunna gagnnýta vindorkuna.

Men tá vindur og regn fara í summarfrí, fæst tíverri lítið burturúr grønu orkukeldunum í Føroyum, og tað er ein avbjóðing. Tí er umráðandi støðugt at arbeiða við fleiri loysnum á grønu kósini.

Mai í ár var óvanliga góður í mun til vindorku, men higartil í juni hava dieselverkini staðið fyri 86,5% av framleiðsluni.