Altjóða fundur um kjarnorkutrygd í Wien

Altjóða kjarnorkustovnurin IAEA hevur kallað saman til fundar um kjarnorkutrygd í Wien í juni sum avleiðing av óhappinum á Fukushima-kjarnorkuverkinum í Japan.

Fundurin verður fyri umboð á høgum stigi og verður hildin í døgunum 20. til 24. juni, upplýsir ein diplomatur fyri tíðindastovuni Reuters.

Handfaringin av kreppuni eftirmetast

IAEA vil hava limalondini at eftirmeta handfaringina av kreppuni, ið tók seg upp á kjarnorkuverkinum Fukushima í Japan eftir jarðskjálvtan og flóðalduna, ið raktu landið.

Fundarluttakararnir skulu eisini viðgera møguleikarnar at fyribyrgja einum líknandi óhappi aftur.