Neshagi

Sev fór undir vindorkuframleiðslu í 1993, tá ið ein 150 kW Nordtank vindmylla varð sett upp í Neshaga. Hendan vindmyllan stóð stinn í 28 ár, inntil hon tann 9. november 2021 fórst av snarljósi, sum sló niður í mylluna. Í síni livitíð framleiddi hon tilsamans 12,8 GWt inn á elnetið  og spardi samfelagnum 2.696 tons av olju.

Í 2005 setti Sev tríggjar Vestas V47 vindmyllur upp í Neshaga. Talan var um vindmyllur, ið vóru 45 m høgar og tvørmátið á veingjunum var 47 m. Tíverri fórust tvær av hesum vindmyllum um ársskiftið 2011/2012.

Í 2012 vóru tríggjar nýggjar ENERCON E44/900kW settar upp á Eystnesi.

Sum áður nevnt, fórust tvær av Vestas vindmyllunum um árskiftið 2011/2012, og varð hetta grundað á feili í reguleringsútbúnaðinum. Staðfest er, at feilurin hevur verið síðan vindmyllurnar vóru nýggjar, men nú kláraðu tær ikki at standa ímóti mongu stormunum, ið vóru í seinna helmingi í 2011 og um árskiftið 2011/2012. Tí var avgjørt, at taka tí triðju Vestas vindmylluna niður og seta tvær ENERCON E44/900kW upp ístaðin.